影片
更多
2024-10-12
256 浏览
去筲箕湾处理公私嘢，刚好又系午餐时间，咁就当然唔少得要去东大街揾内食，所以跟住同事去左食性价比高嘅广式面档。餐厅装修简单单，但内里光猛环境干净卫生，比类面档感觉良好。除咗粉面提供之外，餐厅仲有三文治、特饮供应，种类都好多元化。先嚟蚝油菜芯，估唔到佢嘅份量多之余，仲加左足料蚝油，所以每条菜都挂满蚝油，啱晒我口味。另外仲叫左一份炸鱼皮，同样系份量多，而佢个鱼皮件件都大大嚿，唔会散碎碎咁，入口香脆松化，真系好似食紧薯片咁，令人一块接一块咁食。店员会附埋专属汤底，贴心度要加分呀。同事嘅 切腩三宝汤河，入面有切腩、鱼旦、云吞同牛丸，真系可以话一次过食晒店内驰名嘅食材。云吞鲜虾爽弹、鱼片同鱼丸都鱼味够、牛丸入面充满黑椒味，爽弹之余仲加添口感。切腩就更加系重点，牛肉味好浓亦好有咬口，而且佢份量都多，所以同事话食完食碗都真系非常满足。我就叫左碗 鱼蛋鱼片汤河，鱼蛋鱼片一样弹牙有鱼味，而佢个河粉爽滑，值得一赞系佢个粉食到最后都依旧爽口，唔会因为食得慢而令到糊口或淋晒。另外佢个汤底都好清，食完唔会好口干。最后口嚟杯酸酸甜甜好醒胃嘅冻消脂青柠，同埋玻璃樽够晒气嘅冻柠乐。我见隔离枱叫左份鲜奶油多士，望到佢个厚
餐厅装修简单单，但内里光猛环境干净卫生，比类面档感觉良好。
除咗粉面提供之外，餐厅仲有三文治、特饮供应，种类都好多元化。
先嚟蚝油菜芯，估唔到佢嘅份量多之余，仲加左足料蚝油，所以每条菜都挂满蚝油，啱晒我口味。
另外仲叫左一份炸鱼皮，同样系份量多，而佢个鱼皮件件都大大嚿，唔会散碎碎咁，入口香脆松化，真系好似食紧薯片咁，令人一块接一块咁食。店员会附埋专属汤底，贴心度要加分呀。
同事嘅 切腩三宝汤河，入面有切腩、鱼旦、云吞同牛丸，真系可以话一次过食晒店内驰名嘅食材。云吞鲜虾爽弹、鱼片同鱼丸都鱼味够、牛丸入面充满黑椒味，爽弹之余仲加添口感。切腩就更加系重点，牛肉味好浓亦好有咬口，而且佢份量都多，所以同事话食完食碗都真系非常满足。
我就叫左碗 鱼蛋鱼片汤河，鱼蛋鱼片一样弹牙有鱼味，而佢个河粉爽滑，值得一赞系佢个粉食到最后都依旧爽口，唔会因为食得慢而令到糊口或淋晒。另外佢个汤底都好清，食完唔会好口干。
最后口嚟杯酸酸甜甜好醒胃嘅冻消脂青柠，同埋玻璃樽够晒气嘅冻柠乐。
我见隔离枱叫左份鲜奶油多士，望到佢个厚身又劲多牛油嘅样都真系超吸引，不过因为实在太饱，所以依个邪恶之物就留待下次再食啦！
张贴
