小島料理

营业中

休息中

想试好耐喇， 上次嚟到无开， 今次终于有得食喇。 嚟到系晚市比较早嘅时间 都已经有几枱喺门口等紧位，不过佢返枱都好快（下文再讲呢样野），好快就有得入去。 小岛料理 系一间日式小店，座位唔多，坐低都几迫。 食物选择主要系卖佢地几款招牌丼，我就拣左慢煮牛丼， 本身想拣肉眼但系当日无，变左做比较近牛肩部位嘅牛板腱代替，呢两种牛肉其实本身系价格上系有几明显嘅分别，所以当下嘅感觉都有少少怪，不过唔紧要一场嚟到试试佢。 上菜唔算等好耐，个丼个样系几靓仔，急不及待要开动喇～ 味道方面其实系做得几好，肉虽然系薄切但系份量都几好，将饭捞埋牛、生蛋同乳骆一齐食系爽嘅，加埋以佢呢个价钱，唔怪得小岛咁受欢迎。 我叫左嘅系「并盛」即系你当佢系中 size 啦，如果加大变做「大盛」加$20左右肉量会再多 30%，感觉上「食肉兽」拣大盛应该无误。另外叫埋个「冲绳猪肉塔可饭」，有猪肉碎、蕃茄、洋葱、乳骆，同佢个名一样喇，系好明显嘅 taco 风味，望落去个样有少少似卤肉饭，都几好食。试埋佢嘅甜品，拣左芝士挞同北海道牛乳蛋卷，两个都唔错嘅，中规中矩，牛乳蛋卷就偏甜啲但系OK嘅。头先讲过，佢返枱都几快，其中一个原