星怡 (已結業)

朋友今晚约咗黎呢间新加坡餐厅，我好少食新加坡菜，估唔到都有惊喜，都几好食。黑松露香煎鲍鱼好香黑松露，牛油同白酒嘅香味，鲍鱼都劲新鲜，佢地完全冇overcook鲍鱼，所以食落好嫩，完全唔韧，加埋黑松露嘅香味，好正。特大鸡肶辣死你亚妈配椰浆饭份量真系好大份，只鸡肶好大只，外皮炸到劲脆，虽然系鸡肶，但唔会好肥，已经炸晒d鸡油出黎，所以一d都唔肥腻，劲正，而椰浆饭味道好香浓嘅椰子香味，配埋鸡肶食match。黏蛋油酥饼配咖喱鸡球咖喱味好香浓，加埋上面有椰浆，令到个咖喱增添香味，而鸡肉都好嫩滑，油酥饼mix鸡蛋，劲正，用油酥饼点咖喱，正。斑斓咖央多士好香斑斓味，咖央味好浓，烘到热辣辣嘅多士加埋涷冰冰嘅牛油，劲正。