牛極 (彌敦道)

营业中

休息中

今日同朋友嚟到呢间日式牛扒石烧店，喺门口已经闻到好大浸香味！咁啱今日去到就唔使等位即刻有得入去🤤一入到去店员就同我哋讲沙律，白饭同埋汤都系任装嘅！仲有几款唔同嘅酱汁，有韩式辣酱，而我哋就最钟意日式烧肉汁配搭蒜蓉🤤我哋就叫咗牛肩扒同埋牛柳，牛肩扒食落好嫰滑，虽然有少少筋但系都唔会好硬，而牛柳就更加嫰滑，而且一啲都唔肥！啱晒一啲唔钟意食肥肉嘅朋友。配搭埋我哋自己整嘅蒜蓉日式烧肉汁，更加特显到佢嘅牛肉嘅味道。以佢哋嘅沙律都唔错，食落好爽口。我哋就特别钟意佢哋嘅芝麻酱，味道非常开胃！而且佢哋嘅饭都煲得唔错，软硬适中配搭埋啱啱烧起嘅牛肉减低左净系食牛肉嘅油腻感！10分满足！