光榮冰室 (厚福街) (已結業)

系尖沙咀行完街攰攰地，谂住平平地揾间茶记开餐，就决定帮衬光荣冰室☺️系卡位坐底后，火速望咗下餐牌就落单。今次无叫到驰名嘅煲仔饭同开心餐，普通点咗个光荣快餐 － 滑蛋叉烧饭。作为茶餐厅快餐餐牌上嘅常客，相信滑蛋叉烧饭同扒饭类最能够反映间茶餐厅食物嘅水平去到边！等咗无耐，热辣辣嘅滑蛋叉烧饭就到咗。靓仔嘅叉烧炒滑蛋淋上满满嘅鼓油，卖相都几吸引！🤩一啖入口，嫩滑嘅炒蛋同瘦叉烧果然系绝配，加上肚饿，好快就将E碟滑蛋叉烧饭清得一干二净！少少挑剔嘅地方系葱花可以多番d，同埋可以减番少少鼓油。🤣作为一间平民港式茶餐厅，光荣冰室系一个味道同性价比兼备嘅饭堂！👍🏼