Second Bite Bar & Cafe (紅磡灣中心) (已結業)

今日同男朋友去黄埔𠮶头睇楼，睇完又系时候食饭，想揾间cafe坐下，上OpenRice一揾就揾到呢间。睇相环境几舒服，评价都几高，所以就嚟咗医肚🤣大虾海鲜意粉（$198）青口鲜美肉嫩，大虾硕大饱满，虾肉Q弹爽脆。用咗扁意粉，口感爽滑弹牙🦷炒得好均匀入味，每一条都吸收晒海鲜精华，海洋风味浓厚！带骨肉眼扒（$298）份量十足，啱啱好五成熟👌🏻保留到入面嘅肉汁同粉嫩嘅肉质。肉味浓郁，口感松软，简单佐以黑椒调味已份外香浓，完全唔会输俾扒房！红酒（$38）锯扒当然配返杯🍷果香浓郁，单宁较高，有助减轻油腻感，同肉眼系绝配🫶🏻呢个价钱有一流嘅用餐环境，食材用料上乘又新鲜，份量有饱足感，真系好抵食💰