豐受居酒屋

营业中

休息中

非常懒惰，都食咗一排，不过丰受值得写返个食评。夜晚食，唔算话好多人，加上之前book咗，所以直入就OK lu .环境：4/5观塘有好多嘢食，但大部份都系喺工厂大厦，地舖堂食嘅唔系话特别好多，丰受喺观塘餐厅嚟讲坐得几舒服，唔会逼夹。食物：4/5佢主打乌冬，烧物。乌冬系真系几好食嘅，你唔会觉得系𠮶啲港式粗制滥造嘅感觉。烧物都唔错，唔会烧到干晒柴晒，配清酒，好味，原本净系谂住试吓个牛舌，之后嗌咗个鸡串盛，唔觉唔觉都叫多咗😂。其他嘢食 鱿鱼好味，厚身嘅炸物都ok,唔系𠮶啲食到成口油嘅。玉子烧，厚身，靓蛋，好香蛋味。有少少不足嘅，反而系个生蚝，唔够肥美，可以在新鲜少少服务：5/5服务真系要赞一赞，尤其是系经理，热心推介，亦都会同人交流，对于日本清酒唔系太熟悉，但系佢都会好耐心咁样了解你嘅口味，食到差唔多嘅时候都会问你啲嘢好唔好食，同埋都好细心，得闲帮你斟下酒。其他侍应嘅反应都好快，服务态度唔错。