吉野家 (已結業)

今次已经系今年第二次去吉野家打边炉。第一次，好似发现新大陆咁，意想唔到连锁食店嘅边炉都咁高质。所以今日再翻叮。呢间吉野家用电磁炉，火力自由调教。唔似其他连锁食店或吉野家分店用灯心炉食食下无火，要等职员黎整先可以继续食，呢点俾个佢。会黎再食系因为个蟹棒。虽然味道同食开嘅差不多，但胜在长度够噱头。食肥牛当然系黎吉野家，其他连锁快餐真似及唔上。肥瘦刚刚好，配埋芝麻酱，好味。抹茶红豆，红豆煲到好腍，咬落起沙，但偏甜。抹茶奶味较重。连锁有呢个质素已经收货。性价比高。黎紧嘅冬天会再食。