川婆婆 (觀塘廣場)

营业中

休息中

其实我一直都好钟意食四川麻辣菜，不过身边fd同屋企人都麻麻，所以好少出去食。最近想过下瘾就去左观塘广场间【川婆婆】叫外卖啦。 水煮鲜牛肉配薯粉：小辣都算几辣下，可以由BB辣先试。鲜牛肉分量好多，都算几嫩滑，有千张豆皮、蔬菜、芽菜、海带等等，自己另外加左薯粉（可以加饭或者米粉）。麻辣鲜香、非常开胃。 麻辣豆腐串：呢个反而就小辣好多，屋企人都食到。两大串长长既豆腐（豆卜）串，索晒D辣汁超级正。 小食盐酥鸡：分量都算多，不过觉得好似炸粉多过肉，唔系特别推荐 凉拌土豆丝：本身凉拌汁有少少酸、而且唔系好辣，不过有加芽菜，我自己prefer全土豆丝多D，但味道不错。 冻豆浆：解辣一流。