湘川滬 (+WOO嘉湖二期)

营业中

休息中

天水围坐得舒服既中餐馆比较少，呢个系环境较好既一间，而且食物价格稳定，大时大节都唔会加价或只系得贵价套餐，所以系屋企人饭堂之一。四川担担面（$52）系必点菜色，大大碗，面质幼而弹牙，川椒味加上花生及肉碎，非常惹味。辣子鸡（$78）鸡粒份量多，唔使辣椒中揾鸡，炸粉厚度适中，微辣。肉末茄子（$65）汁比较浓稠，茄子冧而入味，捞饭一流，但油份比较多。小笼包（$42）包里面既汤汁好多，而且够热，但底部皮太薄，容易穿。臭豆腐（$68）外脆内软，热辣辣，细长条容易入口，加甜酱辣酱食，正过街边果d。上海粗炒（$78）好大碟，加左好多包菜一齐炒，有镬气，3、4个人share来食最啱。