花火和食 (已結業)

经过土瓜湾谂住睇吓有咩美食，之后比我发现左间日本平价居酒屋🏮叫花火和食。仲有我最爱嘅鬼灭之刃做背景版，正呀🤣 谂住食下小食，便当饭，点知叫叫下食到好饱😂 我自己觉得佢个明太子芝士豆腐简直一流！食落热辣辣之余，一咬落去系会爆汁，满满嘅明太子同芝士鲜味，超级无敌正😍 一定要食。炸天妇罗虎虾点沙律酱都好好味，佢只虾好大只！啲皮好脆，印象中都系几十蚊，好平！冇食到佢嘅猫饭，叫咗一个好大块嘅鳗鱼便当，最钟意食佢黄色𠮶啲酸瓜，因为食完劲开胃，条鳗鱼又大又新鲜又多汁☺️水准几好。之后仲叫咗一个日本豚肉锅里面有好多配菜，但真心劲抵食好似都系$100左右😂至于个和牛粒个人觉得可以更好，要努力💪不过食咗咁多嘢，屋邨隔离讲紧已经系超抵超值，由其小食类特别好食。