新宏利粥湯飯

营业中

休息中

呢排食左太多油腻野想食返啲清淡啲！今次来左呢间新开新派唔只得粥食既，仲有鲜鱼汤饭！好有鱼味嘅鱼汤，好过好多间都系鱼汤底既店舖！两个𩠌一个菜再加上一大碗既白饭($45)，男仔都好够食啦！性价比好高！所以为左试到其他嘢食，我哋只叫左一碗汤饭，仲叫左一份叉烧肠粉($17)，估唔到肠粉都几滑溜👍🏻，豉油又唔会太咸，岩岩好！另外每次去粥档都要食牛脷酥($9)，我嘅最爱，条牛脷酥都好大条，一人一半😁再点一点鲜鱼汤，正啊😋话食清淡但都避免唔到🤣见到隔离枱叫左碟 姜葱爽鱼皮，好似好吸引咁，所以我哋都叫咗碟细碟($27)来试下，上到枱就已经闻到阵味好清香嘅麻油味，鱼皮食落劲爽脆，口感比食海蜇更好，鱼皮旁边伴随少量花生，鱼皮嘅爽脆撞上花生嘅香脆，令到成个口感有唔少嘅上升。而且鱼皮每片都好唔细，觉得相当抵食。