札幌拉麵 Miso No.1 x 辛味屋

营业中

休息中

一直都对呢间拉面店印象非常深刻～
因为佢哋嘅定食套餐性价比高，大份又抵食，平时自己一个去会叫一人定食（一个主食再＋一份小食），今次就同朋友仔去试吓佢哋嘅二人餐同埋寿喜烧锅，非常丰盛，大满足！先推荐一下佢哋嘅二人餐，可以拣两个主食＋三份小食，而主食可以拣拉面/丼饭，小食亦都有好多选择！白豚拉面呈奶白色嘅猪骨汤底，味道非常香浓，带点奶香味！幼身拉面有口感，软硬度适中，豚肉香而不腻，仲有粒我最钟意食嘢溏心蛋，非常不错！鳗鱼饭鳗鱼烧得刚刚好，鳗鱼肥美厚肉，入口鲜甜，配埋酱汁一齐食，口感同味道丰富！自家制饺子（6只）饺子煎得刚刚好，香口又足馅料！烧牛舌烧牛舌芯牛味香浓，口感爽脆而且口感都几唔错。炒鱿鱼须炒得刚刚好，鱿鱼须唔会太咸，又有口感！寿喜烧牛肉锅定食天气转凉，食锅物就啱晒啦！寿喜烧牛肉锅可选配白饭或加钱转乌冬面，锅物内除咗有牛肉，仲有豆腐 、新鲜蔬菜，仲有配鸡蛋，可以将牛肉沾蛋汁食，口感更嫩滑！正！