Mata Japanese Cuisine

营业中

休息中

今晚去左 长沙湾广场三楼揾嘢食呢度有一间好特别好靓嘅日本餐厅，叫meta Japanese cuisine， 入到去装修好靓，有个大嘅吧台，客人可以坐喺度同师父食野同倾偈 ，望住个酒柜同埋吊住啲酒杯好有格调。另外仲有大枱，一班朋友坐底食都得。我同老公2人坐对住师傅，佢好好，可以望住厅房整好食物就拎出嚟，会讲解食物，仲系我地面前调酒，几欣赏啊。先食了炸鸡皮，佢都特别拣鸡上脾嘅皮，炸到好似薯片咁脆同薄，厉害，加左味粉，香脆惹味。另外仲有木鱼，用左西京醋面豉来做酱，酸甜咁同新鲜木鱼好正！第一次咁食，食得出是用心嘅手工菜，好夹好味道。仲嗌左碟腐乳鸡肉串，估唔到都好好味，鸡肉又烧得岩岩好，吾会老，腐乳味又几夹，正丫！最后食埋个招牌炒饭，有炸猪皮，猪肉脆，好香又炒到d饭粒粒分明，超好味呀！都好大碟，分2人食都够饱啊，最后送左2件花生酥，超好味是自制啊，性价比高，推介。