響日本燒肉 (已結業)

系铜锣湾睇完玩具🤖之后肚仔饿就一于揾间可以任食嘅餐厅食饭，依间餐厅位于铜锣湾渣甸街，大大个招牌好易见到👀餐厅环境开扬，而且整齐干净，以卡位为主，坐得几舒服宽阔正当我哋谂紧点乜食好嘅时候，店员就送上一兜刺身拼盘，刺身新鲜种类多，仲有生蚝🦪👍，不过只有几样可以任意追加🥲过多阵就嚟多盘烧肉拼盘，各种肉都放有标签，方便我哋拣钟意嘅肉嚟追加，有澳洲和牛、美国牛肉、豚肉、鸡肉同埋一啲小食。肉质都软荏，油脂分布平均，有啲烧肉本身已经酱料，烧完完全唔使再加任何调味料已经好好味，而且餐厅有提供盐、黑椒同埋烧肉汁俾我哋增加风味。肥仔我当然要叫碗白饭🍚嚟配烧肉食啦食到口干干当然要饮返啲野啦，餐厅有好多罐装饮品可以俾我哋任饮，但如果要饮酒就要另外加钱啦😁最后当然唔少得甜品雪糕🍦啦，肥仔先点左MOVENPICK朱古力雪榚，之后再叫榴梿雪糕配埋热辣辣新鲜炸起嘅榴梿波，一冻一热好过瘾呀🤤