海膽仔

营业中

休息中

日式和风🎎味道浓烈嘅餐厅，内部装潢似居酒屋，摆设好有心思，门口有新鲜当造嘅海鲜任君选择，而且有好靓嘅日本酒瓮墙，作为影相背景一流。⚜️海胆丼🍚、沙律🥗、面豉汤🥣沙律用料丰富；面豉汤足料美味。海胆丼内有好多片海胆，非常新鲜同肥美，而且好CREAMY，唔会有腥味，配上珍珠醋饭一啖接一啖好上瘾。⚜️三文鱼寿司🍣、芝士蟹籽军舰、牛油果软壳蟹卷🥑三文鱼寿司油脂分布平均，好鲜甜；芝士蟹籽军舰紫菜同蟹籽都好爽脆，芝士酱味道调得刚好唔会有腻感；牛油果软壳蟹卷清爽嘅牛油果配上微脆肉厚嘅软壳蟹，完美中和炸物嘅油腻感。⚜️牛舌串🐃、鱿鱼须串🐙、鸡皮串🐣牛舌表皮焦香内芯软嫩，牛味浓厚；鱿鱼须爽口唔韧；鸡皮炸得干脆，完全去除油腻感。⚜️甲罗烧配法包🦀蟹膏绵密浓郁，份量十足，冇过度调味，完全食出蟹本来嘅鲜味，涂满脆法包口感恰到好处。⚜️喜知次一夜干🐟表皮煎得稍为焦脆，肉质细嫩，咸度得宜，非常鲜美。