Add Some Thai Restaurant

营业中

休息中

用餐时间：普通星期5 1500今日特登拣左优惠时段 1430-1730黎食，有7折优惠。(唔包括星期6，日，假期)餐厅环境几阔落，坐落舒服既。呢个汤比较重味精，不过免费黎讲真系唔要求得几多。炒饭卖相几靓既，不过味道我就觉得麻麻，平时好少食炒饭会落青椒，黄椒，红椒𠮶啲野，所以我觉得唔系好夹，味道一般。黄咖哩做得几好食，不过牛肋条味道一般。手抓饼系配咖哩食既，不过因为保唔到温，所以味道一般。浓心鱼腐配一只类似千岛酱既酱黎食几夹。通菜炒得唔算好入味，而且保唔到温，所以味道一般。泰式奶茶同一般既港式奶茶味道唔同，我觉得几新奇又好饮，值得一试。糯米饭外观好可爱。味道都唔错，椰汁份量适中，芒果好甜，美中不足系啲糯米饭痴埋晒一旧，好难咬。最后埋单免加一系$199，两个人平均每人$100。其实性价比黎讲真系唔错，咁平都可以食到咁多野。不过餐厅明显要提升下食物质素，大多数食物都有好大既改善空间。