小火山 (已結業)

打完风，好难得今日约朋友出下黎食饭。之前已有人介绍过呢间小火山食泰烤肉好抵，今日终于黎试下。坐底环境好唔错，而呢度既店员都好有礼貌，好好招呼。一坐底我地就叫左2杯野饮： 十八碌扮沙冰同泰式奶茶。2杯都好正，菠萝冰好香，泰式奶茶又唔会好甜。头盘好大兜虾片仲要任食，好开心。 炸粟米饼都有警惊喜，好好味。系预热紧个烤锅既同时食下冷盘先。呢个冷盘小食真系令人好满足，泰式三味刺身，一口杯卖相已超吸引：三文鱼，生蚝，同生虾。 都好新鲜，最钟意系生蚝。泰式烤锅有：美国手切谷饲封门柳，安格斯下肩胛翼板肉，黑毛猪梅花肉，波兰A级无骨猪腩。 店员话可以烧之前浸下锅边既椰子鸡汤同泰式肉骨汤再烧会更好味，更多肉汁，果然浸过再烧系好好味，肉汁更丰富。而最后要烧既，就系呢个泰式猪梅花肉片。要捞埋蛋之后再烧。成份肉比蛋汁包住，好嫩滑。 虽然食到饱饱，但都有试埋个金边粉，原来渌一渌就ok, 我地仲煮耐左少少，不过都好好食。最最最后当然食埋芒果糯米饭先叫完满啦。