瀛豐放題料理專門店 (已搬遷) 新店位置

提早一星期同妈咪庆祝母亲节佢钟意食生蚝， 咁就带佢嚟铜锣湾瀛丰泰式放题料理试下， 泊左车系铜锣湾广场，店员同我地讲可以升级任食美国同法国生蚝，仲有海胆带子刺身，价钱都系加多$118！第一round 好快来了半打美国生蚝同半打法国生蚝 ，超级肥美鲜甜，法国既海水味重好食！海鲜刺身拼盘， 妈妈最钟意三文鱼腩， 佢赞口不绝，好嫩滑新鲜， 仲界左花更加美观！我老公就钟意食油甘鱼，呢个价钱仲要食埋象拔蚌刺身珍宝海赤虾刺身成只手板咁大好有甘甜味，食多几只真系饱哂， 仲使食其他嘢， 好想继续食都要留肚。我特别钟意泰式炒蚬， 叫左两次， 泰式生虾都超正 , 炸羊腩 外脆内软， 脆皮猪手一啲都唔韧， 超林。樟茶鸭， 热辣辣，烟熏味特别香浓， 肉质嫩滑，腌得又入味 ，好食。 沙嗲串烧， 佢秘制嘅沙嗲汁好味到难以形容。盐烧虾， 烧元贝当然唔小得试埋佢寿司啦！北寄贝好厚身好甜，仲有海胆寿司都系任叫！仲叫左好多熟食，全部都热辣辣，即叫即整。总括黎讲，呢间放题有好多好多款式食物 甜品 饮品 任食 任饮， 好抵食！