影片
更多
2023-10-06
77 浏览
行开尖沙咀揾地方食饭, 去到the one 见到有间法国菜,于是同朋友上去。门口见到人哋食紧嘅个样几吸引,门面装饰亦都好雅致。 坐低本来又谂过叫 a la carte, 但系set真系好抵, Three course meal 都系$258!毫无悬念叫set, 有齐前菜+主菜+甜品 & 一杯 welcome drink入到去坐个地方仲望到维港景色,正!相信呢间店佢主打应该系酥皮, 因为见到好多菜式都系有牛角包或者酥皮。前菜招牌龙虾汤流心牛角酥一路好好奇究竟牛角酥点样可以入面有龙虾汤嘅馅呢 ?仲要系流心。一试成个菜式变咗咸, 其实都好夹嘅本身龙虾汤同酥皮应该都系夹嘅嘢,呢个应该系呢度嘅王牌菜式,出面都冇咩点见过,值得一试。牛油果流心蛋沙律 沙律方面,沙律菜好新鲜,牛油果都畀咗好大个仲加埋个流心蛋 主菜忌廉蓝青口酥皮火山煲 因为甜品仲想食多一个牛角包,太多酥皮顶唔住 结果就呢一个就走酥皮, 仲可以减十蚊tim!蓝青口虽然唔系好大只 但系味道同本地青口真系争好远,完全冇咗平时青口𠮶阵奇怪嘅味, 食落都系好软滑嘅黑松露流心蛋意大利饭 意大利饭嘅硬度做到啱啱,好加埋黑松露都系好 食嘅配搭~~甜品
门口见到人哋食紧嘅个样几吸引,门面装饰亦都好雅致。 坐低本来又谂过叫 a la carte, 但系set真系好抵, Three course meal 都系$258!
毫无悬念叫set, 有齐前菜+主菜+甜品 & 一杯 welcome drink
入到去坐个地方仲望到维港景色,正!
相信呢间店佢主打应该系酥皮, 因为见到好多菜式都系有牛角包或者酥皮。
前菜
招牌龙虾汤流心牛角酥
一路好好奇究竟牛角酥点样可以入面有龙虾汤嘅馅呢 ?仲要系流心。一试成个菜式变咗咸, 其实都好夹嘅本身龙虾汤同酥皮应该都系夹嘅嘢,呢个应该系呢度嘅王牌菜式,出面都冇咩点见过,值得一试。
牛油果流心蛋沙律
沙律方面,沙律菜好新鲜,牛油果都畀咗好大个仲加埋个流心蛋
主菜
忌廉蓝青口酥皮火山煲
因为甜品仲想食多一个牛角包,太多酥皮顶唔住 结果就呢一个就走酥皮, 仲可以减十蚊tim!
蓝青口虽然唔系好大只 但系味道同本地青口真系争好远,完全冇咗平时青口𠮶阵奇怪嘅味, 食落都系好软滑嘅
黑松露流心蛋意大利饭
意大利饭嘅硬度做到啱啱,好加埋黑松露都系好 食嘅配搭~~
甜品
特浓牛奶雪糕牛角包
期待咗好耐嘅特浓牛奶雪糕牛角包! 个特浓牛奶雪糕系真系好重牛奶味,好香好滑,拍得住平时卖好贵既牛奶雪糕,配埋牛角包脆脆,真系好好食, 推荐大家试呢个!
焦糖炖蛋
焦糖炖蛋个底会有啲果酱 个面嘅焦糖都做到好脆 成个就系冻食嘅,再配埋少少生果一齐。味道处理得唔错。
两个人嚟食我觉得系最适合,因为酥皮食得多有时都会腻。两个嗌唔同嘅食物就可以平衡一下 同时又可以试到多啲款式!
张贴
