泰妹餐廳 (The Wave) (已結業)

偶然發現呢間野，連續兩日去了食，一個麵餐五十幾至六十幾蚊，凍飲不需另加錢。昨天食了泰式船河，特別在d麵好幼滑，十足新竹米粉咁，又夠味，係杯野爭少少，青檸梳打，但青檸味不足較似普通冰水。凍飲不用另外加錢，盛惠56蚊。地方寬敞清潔，食完印象都唔錯，所以今日繼續去。今日試吓個冬蔭功湯金邊粉，唔再飲青檸梳打，試吓個泰式凍檸茶。佢有分港式凍檸茶同泰式，泰式係用青檸，味道都ok。個冬蔭功粉都不錯，味道夠，兩隻青口大大隻，又有兩條我喜歡的蟹棒，麵都大碗，盛惠69蚊。味道不錯，性價比算高。