意樂餐廳 (囍逸)

营业中

休息中

之前有种念法系连锁餐厅梗系比小店差啦，但今时今日我会发觉好多所谓嘅小店其实比连锁餐厅做得更差，单凭果d所谓嘅小店人情味其实我宁愿去连锁餐厅，起码价钱贵少少但环境同食物质素都好一点至少。意乐我觉得系做得唔错嘅连锁餐厅， 不过佢个兄弟百分百餐厅就好睇地区，有啲地方真系麻麻哋。意乐我净系食个午餐同晚餐仲未食过早餐，今日特登朝头早黎粉岭呢间意乐食个早餐。要咗个炸鱼柳餐肉肠仔配牛油粟米粒同埋蒜蓉多士，另加咗个火腿通粉（$8）再饮即磨咖啡，盛惠47蚊，加埋装修黎讲OK既。火腿通先来，汤是忌廉鸡汤，唔算浓但叫做有交代。火腿同通粉都正常。鱼柳餐有摆盛，这点茶餐厅来说值得加分，鱼柳算是外脆内软，肠仔餐肉炸的有点干身，栗米真的有淡淡牛油味，蒜蓉多士都算系外脆内软，蒜蓉味适中。即磨咖啡或新唔错嘅咖啡香，当然冇期望系好高品质咖啡豆啦，但都算唔错。价钱当然比普通茶餐厅贵少少，但系咁嘅装修咁嘅舒适度虽然食物质素唔系话好正但系已经够杀。PS 今时今日其实做餐厅只要你比正常好少少再加返少少装修已经好过好大部份嘅餐厅，所以意乐同埋百分百餐厅系依度永远都系最多人排队嘅餐厅。