樂天經典 (奧海城二期)

营业中

休息中

想坐得舒舒服服又經濟食餐中菜，嚟樂天旗下嘅餐廳就最好不過。佢哋每一間分店嘅環境都唔錯，位與位之間又夠闊落，食物嘅價錢又夠親民，性價比非常之高！👍🏻適逢當日係同一個長輩朋友慶祝生日，簡單點左四個菜式。呢度勝在有好多菜式都分咗大中細Size, 無論你幾多人食, 都可以因應需要揀選適合嘅份量， 咁就算人少少都可以試多幾款美食啦！🥰🥰🥰🌟手工海鮮白玉磚食落外脆內軟，豆腐入面混咗啲蝦膠，口感煙韌有層次，都幾特別的！❤️🌟薑蔥爆牛肉牛肉肉質鮮嫩又夠鑊氣👍🏻🌟泰式海鮮炒米粉估唔到呢度竟然食到泰式海鮮炒米粉，勁有泰國當地水準，值得一試！😁🌟四大天王由秋葵、甜豆、四季豆、茄子炒成的四大天王，味道酸酸甜甜，真係可以一次過滿足大四個願望，好啱有選擇困難症嘅人…🤣仲有其他小菜都想試，等我睇吓幾時再嚟先…😝😝😝