斑蘭

营业中

休息中

呢日去左圆方，行到水区见到依间新加坡餐厅 "Pandan Asian Fusion Bistro"，门面设计雅致特色，内里可以望出外面，感觉开扬，就同好友一齐嚟享受下新加坡菜～餐牌内款式特别，选择左三个下午茶餐，有主菜、小食及饮品。娘惹传统斑兰椰浆饭望到个名已经觉得特别又吸引，绿色椰浆饭卖相好吸睛，椰子同斑兰味道够出好香；炆煮软淋嘅巴东牛肉，微辣带少少咖喱香料味，脆皮鸡卷肉质嫩滑，外脆内软，配合脆鱼仔、咸花生、溏心蛋、腌渍物，与材料一齐食，口感更丰富。无骨海南鸡喇沙掺掺依碗无骨海南鸡喇沙掺掺，口味非常地道，鸡肉无骨啖啖肉，食起嚟好方便，肉质爽滑，嫩身得嚟又充满弹性；汤底金黄美味，远远飘来阵阵香味，咖喱同椰奶配合得恰到好处，而且最难得嘅系饮多几啖，都唔会觉得油腻，喇沙掺掺系油面同米粉混合一齐，都好挂汤汁，喇沙香浓，份外惹味，唔错。河内生牛肉汤河虽然系下午茶餐，但系呢碗生牛肉汤河份量都唔少；生牛肉被热辣辣嘅汤底轻轻灼熟，牛肉大大片，柔软多汁，牛味特别香浓，食起来好嫩滑，牛丸爽口弹牙，而汤底就用上大量牛骨熬煮，牛骨味重，清甜唔口渴，河粉顺滑，配合爽口洋葱，甘甜美味，好足料。香茅烤鸡肉串烧鸡串