半島漁港/阿翁火鍋館

营业中

休息中

今晚朋友约左去湾仔半岛渔港食晚餐，入到去坐好先整个寿味饮住先，同埋食花生真系食炒花生。大家都一致谂好叫优惠一蚊极品BB猪同个优惠四宝，再整个粉葛鲮鱼煲唐排汤饮下润一润，补多只红烧脆皮乳鸽。粉葛鲮鱼煲唐排：足料老火汤，鱼鲜味好浓味骨汤，好好饮。优惠四宝就系以下四样-蒜子陈皮蒸头腩：鱼鲜味再加上蒜子陈皮去蒸会更加带出鱼鲜味。油泡龙趸球：厚厚龙趸肉，有口感之外仲口口鱼肉鲜味。龙趸要厚肉先可以做到这个口感。连带配菜木耳，蜜糖豆，红黄椒加上蒜蓉炒真香口。双冬羊腩煲：滚住羊腩煲加埋生菜煲。羊腩肉质好，唔会膻，马蹄枝竹竹笋入晒羊腩煲味道。重点系个腐乳，配合羊腩煲系一流 。头抽皇焗海虾：海虾一食就知，肉质系比较实同时味道比较鲜甜。头抽爆洋葱令到虾味道更鲜甜。$1极品BB猪：BB猪最惊得肥膏，佢唔使太肥。皮脆肉同肥比例适中，咬下来有不同层次香味。红烧脆皮乳鸽：外脆内热，肉质好。皮脆得来又锁住肉汁。守尾门梗系整碗红豆沙先叫完美。红豆沙甜度适中，红豆完全够淋，有口感又美味。