半島漁港/阿翁火鍋館 (南昌薈)

营业中

休息中

今日同家人提前食团年饭做节，去到南昌半岛渔港食晚饭。好彩仲有一张枱，全场爆满好好生意。一坐低店员就问饮咩茶，叫个铁观音饮住睇食咩先。今晚叫左优惠三宝（榄角骨，清蒸富贵斑，白汁明虾球）三选一系列$1烧鹅，花胶四宝羹，松露酱鲜菌炒带子。榄角骨-榄角味香，骨甜甜地几好食。清蒸富贵斑-条斑都好大条，鱼肉鲜甜配合葱淋油更加香口。白汁明虾球-虾肉爽口弹牙，配上沙律酱都几好食烧鹅-底座一直热住令到烧鹅保持著够热，脆皮够香口。挂住大量烧鹅即烧真系必食之选。花胶四宝羹-非常足料，清清地既羹，仲有肉丝同花胶。松露酱鲜菌炒带子-有著大量不同种类菇，松露酱香口。带子大大只鲜甜好味道。仲有送既红豆沙都煲到融入当中之外有d仲有咬口，糖水都咁出色。