磊犇 (已結業)

今日出旺角行街买嘢俾猫仔们，行经见到呢间自助形式嘅扒房，突然间想据下扒，所以就入咗呢间餐厅喇。佢系自助形式落单，我叫咗个300g 嘅西冷牛扒，我朋友唔好牛肉，所以叫咗个鸡肉石头锅饭，估唔到餐单设计员都几细心，照顾到有唔同需要嘅客人。西冷牛扒系铁板上，一路热到尾，自己可以调教生熟程度，非常正！牛扒牛肉味浓，唔会话有筋难咬，肉汁丰富，呢个价钱嚟讲真系性价比极高。朋友食嘅鸡肉石头饭，材料好丰富，味道亦都好好。我哋仲饮埋菊花茶，洛神花茶，同埋面豉汤，成件事好美好！