馬場洞烤肉專門店 (形點 I) (已結業)

其实我见食评好似好多都评价呢间餐厅系负评，我觉得都要帮佢哋平反吓，我其实之前都食过佢哋沙田分店，质素唔差，今次嚟元朗呢间分店已经两次，觉得完全唔差，服务员好有礼貌，食物质素可以，系坐位方面就比较窄。我今次嗌咗部队锅套餐，其他散叫，套餐仲有沙律炸鸡同埋包饮品，炸鸡系热辣辣，外脆入面劲多汁！个芝士泡菜饭劲浓味，加埋拉丝好正！！个部队锅其实都几丰富，啲材料多到就嚟泻出嚟！另外散叫咗啲肉同酱油蟹，酱油蟹多膏劲甜！抵食！鸡翼就反而有啲失望，好干同好咸。