馬場洞烤肉專門店 (形點 I)

营业中

休息中

其實我見食評好似好多都評價呢間餐廳係負評，我覺得都要幫佢哋平反吓，我其實之前都食過佢哋沙田分店，質素唔差，今次嚟元朗呢間分店已經兩次，覺得完全唔差，服務員好有禮貌，食物質素可以，係坐位方面就比較窄。我今次嗌咗部隊鍋套餐，其他散叫，套餐仲有沙律炸雞同埋包飲品，炸雞係熱辣辣，外脆入面勁多汁！個芝士泡菜飯勁濃味，加埋拉絲好正！！個部隊鍋其實都幾豐富，啲材料多到就嚟瀉出嚟！另外散叫咗啲肉同醬油蟹，醬油蟹多膏勁甜！抵食！雞翼就反而有啲失望，好乾同好咸。

舊同事剛搬左去YOHO，就試下佢樓下嘅食店，今次一行三人，見有個2人套餐就試下，包括：精選烤肉套餐～極級霜解牛肉/韓國豬肩肉/馬場洞乾式熟成五花肉，香脆無骨炸雞，青芥末白郡主，韓國水泡菜，莞島鮑魚鹿尾菜粥，韓國草莓奶昔，柚子水果梳打，半半無骨雞翼，呢個套餐幾抵食，另外叫左海鮮泡菜煎餅，三個都食到好飽👍🏻特別想講煎餅，啲粉有啲厚，唔太吸引，如果薄啲會再脆啲，另外叫多一杯啤啤酒，埋單每人$300左右，真係食到飽🤣🤣

今日同屋企人經過，見到周圍都好多人等位，咁啱經過呢間舖頭又見無人等位就諗住入去試下，入到去有個高高瘦瘦男侍應就問燒唔燒烤，唔燒烤只可以坐一個鐘，咁無問題啦，我地一個鐘可以食完。但重點係個侍應佢問野果時態度好差，俾客人感覺唔良好，到坐低點左個豆腐豬肉泡菜湯同其他野食，個湯底咸到入唔到口，啲豬肉又好難食。第一次主動寫食評，只可以講食物質素差，服務態度差，以後都唔會幫襯，仲有希望貴店檢討下服務態度，做服務性行業唔要求要態度好好，但都不至於咁差，一次不愉快的經歷！

今日我去咗餐廳食lunch，點咗佢嘅海鮮豆腐湯set lunch。湯完全唔好食㗎，真係冇咩味道。佢話係海鮮豆腐湯，但湯裡面只有兩三隻好老嘅青口，煮得好老嘅蜆肉，同埋一隻好細好細隻嘅蝦。首先，湯嘅味道真係好淡，完全冇鮮味，呢碗湯真係冇咩好味。仲有，湯入面嘅海鮮真係令人失望。青口同蜆肉都煮得好老，口感好嚼勁，一點都冇新鮮嘅感覺。其實呢啲海鮮係湯嘅重點，但係佢哋成為湯嘅敗筆。這間餐廳的座位非常拥挤，空間非常狹窄，讓人感到非常不舒服。座位非常狹窄。

最近有一款外賣自取的優惠，由於價錢吸引，所以就試了。五重奏的雞塊都是無骨，方便食用。這五款雞塊各有特色，而且都值得一大班朋友開派對時食用。其中我較喜歡的是芝士味，味道偏甜，雞塊本身已經炸過，脆脆的外皮不錯。另外有一款甜甜辣辣，辣度適中，適合不愛吃辣的人士，只求過癮。

Good place with, friendly staffs and a good meat cut but there are not enough side dishes & vegetable collections, no fresh garlic, and green chilies. The price is reasonable. The bibimbab was very good too. Love to come back again and hopefully it will have an improvement from the one I've mentioned above.☺️

岩岩去完韓國旅行返黎仲掛住緊韓國既燒肉🥹 香港既馬場洞烤肉專門店12月推出節慶韓式烤肉盛宴 包括韓國直送矜貴燒烤肉品同多款別具韓國特色韓食 彷如置身韓國既燒肉享受~🔥🔥✨精選烤肉套餐 $548✨由極級霜降牛肉 韓國豬肩肉 馬場洞乾式熟成五花肉 砌成生日蛋糕既模樣 加上野菜既裝飾非常新穎牛肉豬肉都充滿肉味 juicy唔韌 質素唔錯 如果五花肉再厚切d就更加正🥰炸物拼盤 有炸蠔 甜辣炸雞 三色煎餅~ 炸蠔外脆內嫩 配上冰冰涼涼既沙律醬 有少少似食緊生蠔刺身 感覺幾特別 炸雞大件嫩滑惹味 只係炸皮偏厚韓式冷麵配醬油醃生蟹及蝦 生蝦同蟹已經拆曬出黎 方便混合蟹蓋紫菜飯進食 懶人表示欣慰🫡 醬油味道唔會太濃覆蓋食材鮮味冷麵加埋少少麻油醬汁拌勻亦都好飽足最後有韓國草莓奶昔/馬格利酒/梳打作結 奶昔士多啤梨味道濃厚 成個口腔留有甜蜜蜜餘韻😇

岩岩去完韓國，返黎香港已經好掛住韓國既野食，所以去左食韓燒！而今次吾系夜晚去食，而系下午茶時間去，因為搵到一間抵食燒肉店，位置好方便，系YOHO mall入面。韓燒豬五花肉放題 價錢：$128/2位起$99/3位起$88/4位起人越多越抵食！呢個價錢可以任食五花豬肉90分鐘，另外仲可以任食白飯、生菜、炒泡菜同任飲汽水，仲有送多4件韓式甜辣炸雞，岩晒啲大食人士！我食完個tea夜晚都飽到食吾落飯。一坐低就會擺低幾碟泡菜同沙律菜。之後當然系主角五花豬肉！自己電話落單，一件既意思即系張圖既一塊，所以我地毫不猶豫每次都點10塊！五花豬肉燒完即刻食最好味，脂肪部分脆口。燒肉配白飯又得，夾生菜同泡菜又可以無禁膩，可以食多幾件！另外送既炸雞都幾大份，每件炸雞都大大件，酸酸甜甜味道吾錯，無咩辣味。

尋日11月24號去食lunch, 門口哥哥態度OK，但一坐低就後悔！另一哥哥帶黑色口罩好快咁放低張枱號QRcode 講咗一段嘢，感覺仲衰過响大排檔，講嘢快到唔知佢講乜，純粹估計係話QRcode 落單。之後漏咗一個好耐都未到，同佢講，佢只係望一望我就行去廚房出餐口，跟住就攞個石頭鍋飯過嚟，但係絕唔係我order 嘅嘢！我同佢講呢個唔係我叫嘅燒牛肉飯喎，佢好肯定話係，咁啱我亞媽係食緊個石頭鍋飯，咁我問我亞媽嗰個係乜，之後佢行開再行過嚟就話出錯咗，跟住態度好似黑社會咁問＂咁呢個你要唔要？問我兩次，一啲都唔覺有唔好意思，仲要好似想迫我要咁！其實出錯冇問題嘅，但你响到做，唔會唔知石頭鍋飯同燒牛肉飯嘅分別，仲要死撐，都唔緊要，仲要唔覺自己有錯咁問想迫我要！講真，食物味道係正常，但service 真係差得很！一定唔會再去，仲會叫身邊嘅人唔好去！可以有更多選擇！

📍「馬場洞烤肉專門店」- 元朗今次食食食之旅黎到元朗😌呢排天氣凍凍哋，梗係要食返啲暖笠笠嘅野啦🍲😗行過形點見到佢新推出咗湯品及鍋物套餐，就一於試試佢😎📷餐廳位於形點一期地下，店面都幾大，座位好闊落，坐得好舒服😇落單係用QR code 落餐，夠哂方便😙落完就有前菜送上，又可以refill ，主菜未到都唔驚餓親😆不過餐廳人手就唔係好足夠，如果呢點可以改善下就更好😗🍽特選牛腱湯鍋套餐 💰HK$398🍴Appetizers✨推薦指數：7/10▪️傳統前菜：每次有3款前菜，分別係泡菜、醃荀、涼拌西蘭花，仲可以無限refill 添😍前菜都幾開胃，酸酸辣辣，醫住肚一流😂🍴牛腱湯✨推薦指數：7.5/10呢個份量比想像中多，入面有好多舊厚切牛腱、牛肋骨、金菇、韭菜，就算3個人食都仲得😂牛腱厚切啖啖肉，唔會太肥；牛肋骨相對脂肪較多，肉質腍身，湯底呈奶白色，味道比較清淡，所以食個陣要點埋佢個汁🤣🍴石鍋蒸蛋✨推薦指數：8.5/10呢份有驚喜！蒸蛋好嫩滑，帶有蔥香味，而且份量好多，配埋白飯食好有係韓國🇰🇷食飯嘅感覺😚🍴韓式野菜鍋物伴手工麵條✨推薦指數：8/10呢份野菜鍋物份量十足、有金菇、豆腐、娃娃菜、香菇、小棠

睇緊餐牌諗緊食咩既時候，店員已經會上5碟韓式前菜，有泡菜、沙律、魚片糕等等😽，可以慢慢食住睇餐牌。今次叫左👉🏼馬場洞脊骨土豆鍋套餐 $338👉🏼馬埸洞脊骨土豆鍋肉咬落好淋同入味，而且超級多件骨，數量絕對超過二人份量，除左肉骨多肉食外，鍋內仲有薯仔🥔、粉絲等配菜。👉🏼野茶鍋物即食麵啜完骨仲可以當火鍋食，加拉麵落去會索曬土豆鍋既精華😌，不過要注意食到最後有點辣。🔥 👉🏼中韓式豬脊骨湯炒飯鋪滿紫菜同芝士既炒飯，整得出拉絲效果。👉🏼水果梳打兩杯

首先喺門口等咗一陣，跟住有個女侍應慢條斯理咁出嚟問我幾多位，今次女侍應服務態度非常差，帶位時態度傲慢，無禮貌黑口黑面，我要企喺門口，等佢慢慢整個QR code跟住先帶我入座，當時女侍應行步路好似冇力咁要我喺度等佢，比我感覺非常唔好，至於等食物送來嘅時候，起碼要等半小時，又要叫侍應吹餐幾時到，至於嘢食一般般冇乜特別，但味道還可以，希望呢間公司能夠提升侍應嘅服務水平，尤其是女侍應，如果服務再係咁差應該都會對餐廳好大影響！

首先係門口等咗陣冇人招呼，我地以為係店員太忙，所以先去隔離鋪睇下有咩食再返去。返到去亦都企咗陣先有店員出嚟招呼，但亦要我地企係門口等陣，入店後發現根本有一半係空位，唔明點解要等。我們落單時間大約7點56分，先叫了一個芝士飯、炸紫菜卷、同2杯特飲，另外仲想叫單骨雞翼套餐，但見到寫住8點後先可以落單，於是就等到8點，準備落單時先發現原來單骨雞翼配特飲係半價，就問職員可唔可以幫忙改單，職員回答「你地8點前落咗單就冇㗎啦」，其後我再問另一位店員，嗰個店員就表示要8點後入座先可以落單，但同時問我地仲洗唔洗落一份單骨雞翼。呢個位我唔係好明，8點前入座可以點單骨雞翼（menu寫明單骨雞翼8點後先落得）但就唔可以享有飲品半價優惠，錢就賺到盡，俾少少寛容客人都小忽肉。唔評論嘢食好唔好食，因為一肚氣食咩都係難食。

夜晚同男朋友去咗食，元朗呢間韓燒，我哋order咗$358嘅套餐，然後用QR code落餐，送到來一堆肉，我記得我係 order咗生拌牛肉，侍應送到二話不說放低咗啲肉之後冇介紹就走，我到而家都唔知自己係咪食咗應該食嘅生拌牛肉，跟住我問男朋友牛脷要整幾耐，佢唔知我問侍應侍應話一陣間就可以，我仲記得嗰個侍應話一陣間就走咗去。點知我男朋友煮咗一陣未熟，佢究竟應該都要話俾人聽幾多分鐘，唔洗話一陣間都寫每每樣食物煮的時間。然後佢哋做自己嘢傾偈，唔係我哋視線範圍內，想問吓啲牛肉蒸幾耐都唔得。平時喺韓國餐廳啲菜係任加，如果唔喜歡食菜，就可以去，因為加菜係要錢嘅。打加影相係可以，但服務就唔使指以，坐低啲侍應掛住執嘢傾偈唔會理你。下一次唔會再去

一向熱愛韓式烤肉既我🥩最近去左位於元朗yoho既馬場洞烤肉專門店性價比高 而且食物質素亦都一流👍🏻餐廳會提供五款前菜 包括泡菜、沙律、通菜、西蘭花、蓮藕 好開胃而且仲可以refill😋 -✨馬場洞特選韓豚配雜錦烤肉套餐 (2人份)🥩肉類共有：韓國豬肩肉、雞腿肉、牛膈肌、五花肉、極級降霜肉二人精選套餐份量都好豐富 可以每種肉類都嘗試每款都肉質鮮嫩 入口即融 配上餐廳提供既調味料🧂味道好豐富 令人一口接一口🥰 -另外可以從招牌炸雞、韓式韓拌生牛肉、芝士紫菜飯卷拌生牛肉中三選一我就簡左招牌炸雞 內層表皮好脆 肉質好juicy好鮮味🍗食得非常滿足 而且份量剛剛好 兩個人都食得好滿足👍🏻 -✨西柚梳打、檸檬梳打水果梳打味道清甜又夠fresh🍹配上烤肉特別解渴又爽口 好滿足 -而且餐廳環境舒適 座位寬敞 食物種類都好多 下次要試埋其他嘅菜式👍🏻店員態度好好 好熱心幫我哋燒肉絕對係一個會一再回訪既體驗 推薦各位要黎試下‼️