雲南啊老表黑山羊湯鍋米綫 (已搬遷) 新店位置

见到佐敦有间评价唔错既羊肉米线就决定一试 (三哥，云南米线等比较少有羊肉)。可能太早去到，6点左右都只系得几枱客人。当日唔太饿，2个人叫了一碗羊牛双并大碗米线($60，加$1要酸菜，再加$8一罐可乐)，双并唔需要加钱，第一次食紧系要试哂2款酸菜系餐牌上无既，都系睇其他食评推介落单过左几分钟就有得食，大碗米线比三哥过桥米线仲大碗，米线份量都好足够，羊肉牛肉条都好多，好似食极都仲有咁。个人觉得带皮羊肉比牛肉好味，羊肉煮到好"谂"，无羊膻味。相比下，牛腩就有d逊色，好似食紧猪肉咁，但又唔系真系好差。不过下次应该都系叫单𩠌羊肉米线$60既价钱有尼个份量同质素真系好抵食另外见列有食评介绍饺子都好抵食(好似系大概$30有10只饺子)，下次一定要试下。仲想试埋加$1既酸辣汤底侍应上菜时主动拎左２只细碗俾我地唔好既系门口长期开住，冷气唔系好够凉。食野既时候仲有几只蚊滋仔飞过...