富園海鮮酒家

营业中

休息中

虽然蒸海鲜都兴左一段时间，但今次都只系第二次食。第一次嘅经验一般，今晚试呢一间开业一个多月嘅酒楼，因为之前朋友食过极力推荐。新开张做紧特价餐以人头价，有两个价钱选择：$198同$298，菜单如下：我哋一行7个大人，其中一个唔食海鲜，所以叫左6份$298，另加3个小菜。先讲小菜--1）冰镇咕噜肉外脆内暖，好惹味 2）炸虾个汁甜甜哋，有芒果，炸粉唔厚又唔会好油，只虾弹牙冇雪味 3）薯仔炒牛柳粒呢个挂住食唔记得影相 😅一上枱已经闻到好香，食落好惹味，d牛柳粒真系有牛味，正！跟住到主角：有龙虾（每人半只）濑尿虾 （每人一只）鲍鱼 （每人一只）蛏子 （每人一只）马刀贝 （每人两至三只）带子 （每人一只）龙趸片 （每人两至三片）鸡件 （每人三至五件）肥牛 （每人三至四片）手打墨鱼丸、虾丸、凌鱼球、猪肉丸 （每人各款一粒）杂菜（有粟米、南瓜、金菇、白菜仔、生菜、娃娃菜、菜心）所有食材都好新鲜同洗得好干净，性价比高 重有个汤底，可以拣粥底，杏汁猪肺汤底，炖汤底，同清汤底。我哋拣左猪肺汤底，一开始时一人饮左一碗汤，跟住d汤渣放蒸锅底加汤，食晒所有嘢时d精华落晒d汤度又再饮多几碗汤，真系好好味 甜品叫左椰