高S拉麵小籠包

营业中

休息中

今日中午，约了老友去炮台山食南蛮炸鸡，点知去到先发觉间铺逢星期一休息，于是便喺附近揾嘢食。嚟到清风街，见到有间装修几骨子嘅小店，里面坐满了人，食嘅系上海嘢。望望店外餐牌，午市有唔少套餐俾客人选择，最平五十几蚊已经有交易，包一杯豆浆，于是便决定一试。我和朋友分别叫了炸排骨汤面同红烧牛肉汤面套餐，另外追加了一笼小笼包。红烧牛肉偏咸，但炸排骨有水准。小笼包虽然做唔到高级上海舖嘅皮薄馅靓，但味道都相当不错，况且追加只需二十元一笼，实在抵食。总结，餐厅嘅食物性价比高，可是座位较为挤迫，但整体都非常满意。