高S拉麵小籠包

营业中

休息中

今日中午，約了老友去炮台山食南蠻炸雞，點知去到先發覺間鋪逢星期一休息，於是便喺附近搵嘢食。嚟到清風街，見到有間裝修幾骨子嘅小店，裏面坐滿了人，食嘅係上海嘢。望望店外餐牌，午市有唔少套餐俾客人選擇，最平五十幾蚊已經有交易，包一杯豆漿，於是便決定一試。我和朋友分別叫了炸排骨湯麵同紅燒牛肉湯麵套餐，另外追加了一籠小籠包。紅燒牛肉偏鹹，但炸排骨有水準。小籠包雖然做唔到高級上海舖嘅皮薄餡靚，但味道都相當不錯，況且追加只需二十元一籠，實在抵食。總結，餐廳嘅食物性價比高，可是座位較為擠迫，但整體都非常滿意。