蝦蝦燒

营业中

休息中

一入座就见到座位旁边有大头虾任夹，而外面自助区仲有个好似海鲜档嘅位置，有超过十款嘅海鲜可以让你放肆享用。今日有带子、扇贝、鲍鱼、鱿鱼筒、蟹、三文鱼鲛等等，仲有原条鱼比你任拣，场面好壮观！烧紧嘅同时都无得抖，外面有熟食同唔同嘅即食虾料理可以食住等，醉虾同泰式酸辣冻虾都好入味。自己虾自己夹真系几好玩，啲虾劲新鲜生猛。大头虾size都唔细，膏好甘香虾身爽弹几饱嘴！当日亦打破左我以往一日食虾嘅量，见到咁肥美嘅虾真系忍唔住不断食。除左虾之外，扇贝都好大粒又鲜甜，加少少蒜葱一齐烧更惹味，完全轻松食到外面蒜蓉扇贝嘅味道呢！鱿鱼筒好大条，本身海水味都几够，另可自己调味加入孜然粉、辣椒粉、椒盐等等。另外串烧区有4个大雪柜，眼花撩乱好多款都好想食！鸡类串烧有好多款：鸡软骨、鸡翼、鸡皮、鸡肾等，当然唔少得牛同猪肉啦。另外仲有羊架、多春鱼、鱿鱼须等。蔬菜就推介鸡髀菇、翠玉瓜、蕃薯仔、豆卜。蒜蓉包都唔好错过！饮品同雪糕选择都唔少～真系有泰国食流水虾嘅感觉，整体食材都好新鲜，已经想下次再嚟食。