影片
更多
2024-06-22
471 浏览
约咗朋友响油塘攞嘢，佢身为街坊街里嘅佢推介一间小馆，都有啲北方小食可以买返屋企同老细分享～望下菜单都几多选择，今晚晚餐就一于咁搞掂啦！！首先叫个主食：盐焗手撕鸡冷面便当，除咗手撕鸡，仲有冷面，配菜有海带、菜脯，同埋拍青瓜～其实都好丰富～我自己叫咗个红油抄手，一碗十粒～仲有四款云吞口味可以拣～我拣咗鲜虾～小食又点少得猪手粒呢？！哗！佢呢个猪手粒系泡椒味～果然够哽！🥵虽然好辣～但系食到停唔到口😅😋叫多一个凉拌青瓜～呢个系微辣嘅口味～仲有黄豆同埋花生，加埋芫茜碎，十分惹味！！我一定会食嘅系凉拌云耳～最钟意猫耳朵嘅大细～又爽口～个麻辣酱都好好味！佢有唔同嘅茶可以拣～我拣咗香桃茶🍑果然好香…好味！茶底应该系水仙或者茉莉，味道唔太甜～啱晒我！！佢仲有唔同嘅配菜～一罂罂装好畀你外卖～我拣咗香脆花生（老细至爱🥰👍🏻）仲有菜脯…有辣有唔辣…同埋北方凉拌唔少得嘅“脆黄豆”，真系包罗万有！！
约咗朋友响油塘攞嘢，佢身为街坊街里嘅佢推介一间小馆，都有啲北方小食可以买返屋企同老细分享～望下菜单都几多选择，今晚晚餐就一于咁搞掂啦！！
首先叫个主食：盐焗手撕鸡冷面便当，除咗手撕鸡，仲有冷面，配菜有海带、菜脯，同埋拍青瓜～其实都好丰富～
我自己叫咗个红油抄手，一碗十粒～仲有四款云吞口味可以拣～我拣咗鲜虾～
小食又点少得猪手粒呢？！哗！佢呢个猪手粒系泡椒味～果然够哽！🥵虽然好辣～但系食到停唔到口😅
😋叫多一个凉拌青瓜～呢个系微辣嘅口味～仲有黄豆同埋花生，加埋芫茜碎，十分惹味！！
我一定会食嘅系凉拌云耳～最钟意猫耳朵嘅大细～又爽口～个麻辣酱都好好味！
佢有唔同嘅茶可以拣～我拣咗香桃茶🍑果然好香…好味！茶底应该系水仙或者茉莉，味道唔太甜～啱晒我！！
佢仲有唔同嘅配菜～一罂罂装好畀你外卖～我拣咗香脆花生（老细至爱🥰👍🏻）仲有菜脯…有辣有唔辣…同埋北方凉拌唔少得嘅“脆黄豆”，真系包罗万有！！
张贴
