影片
更多
2024-02-06
108 浏览
同朋友约咗喺附近行市集，朋友上次食过话好食，就带咗我嚟呢间日式小店。😋前菜系糖渍萝卜同枝豆，糖渍萝卜好爽脆，酸酸甜甜; 枝豆唔系白烚咁简单，经过简单调味，仲食到豆香。饮品我地叫左一杯Pineapple Coco$48同埋Apple mojito$48。两杯饮品都系有水果成份，所以饮落好清新，而且大大杯。无几耐鳕鱼片$68就到啦！份量唔少，有成十几片，食落口估唔到系脆卜卜㗎！点埋蛋黄酱一齐食，又系第二个味道。锡纸牛油杂菌$48，顾名思义嚟到你嘅面前都仲系攞锡纸包住嘅，打开咗少少啲菇嘅鲜味已经飘紧出嚟。我钟意佢嘅黑椒捞埋少少焗完杂菌嘅菇汁，打斜只碟用匙羹笔出嚟饮真系好鲜。大吟酿煮蚬$168，蚬肉份量慷慨，蚬肉肥美胀卜卜，蚬肉精华流入汤汁同清酒煮埋一齐，闻到清酒味好香，个汤非常香甜，蚬肉除咗胀卜卜之外，食落仲好有海水味。本身唔知啲嘢食咁大份，惊唔够饱仲叫多咗个酱油渍糖心蛋鸭汤拉面$88，食完个大吟酿煮蚬已经饱饱地。🥲我嘅习惯食拉面一嚟系要饮汤先嘅，鸭汤好甜，好清，唔油腻，一唔小心，已经饮咗半碗😂。鸭胸仲有足足六块！糖心蛋唔系半只，系足足一只，非常入味；拉面口感软硬适中，而且汤汁挂喺拉面上面一
前菜系糖渍萝卜同枝豆，糖渍萝卜好爽脆，酸酸甜甜; 枝豆唔系白烚咁简单，经过简单调味，仲食到豆香。
饮品我地叫左一杯Pineapple Coco$48同埋Apple mojito$48。两杯饮品都系有水果成份，所以饮落好清新，而且大大杯。
无几耐鳕鱼片$68就到啦！份量唔少，有成十几片，食落口估唔到系脆卜卜㗎！点埋蛋黄酱一齐食，又系第二个味道。
锡纸牛油杂菌$48，顾名思义嚟到你嘅面前都仲系攞锡纸包住嘅，打开咗少少啲菇嘅鲜味已经飘紧出嚟。我钟意佢嘅黑椒捞埋少少焗完杂菌嘅菇汁，打斜只碟用匙羹笔出嚟饮真系好鲜。
大吟酿煮蚬$168，蚬肉份量慷慨，蚬肉肥美胀卜卜，蚬肉精华流入汤汁同清酒煮埋一齐，闻到清酒味好香，个汤非常香甜，蚬肉除咗胀卜卜之外，食落仲好有海水味。
本身唔知啲嘢食咁大份，惊唔够饱仲叫多咗个酱油渍糖心蛋鸭汤拉面$88，食完个大吟酿煮蚬已经饱饱地。🥲
我嘅习惯食拉面一嚟系要饮汤先嘅，鸭汤好甜，好清，唔油腻，一唔小心，已经饮咗半碗😂。鸭胸仲有足足六块！糖心蛋唔系半只，系足足一只，非常入味；拉面口感软硬适中，而且汤汁挂喺拉面上面一齐食入口，真系好好食！
食晒以上嘅嘢，其实已经好饱，不过朋友话餐厅个蕃薯 Crème brûlée $68好好食，叫我一定要试吓。其实我想试佢个花生酥$25/2多啲，but why not both? 甜品系第二个胃黎㗎嘛。😆
甜品好快上齐，首先嚟到嘅系花生酥，佢个卖相有少少似曲奇饼，佢唔系口感脆嘅酥饼，其实佢个口感系入口即化嘅果一种酥。入口好重花生味，好有诚意，连一块少少嘅酥饼都咁认真对待，餐厅真系好用心。
蕃薯 Crème brûlée黎啦！🥹好彩我有听朋友讲叫埋呢一个番薯，面头嘅焦糖好脆，中间嘅炖蛋crème brûlée,同埋番薯都系软腍腍，所以呢个甜品口感相当丰富。甜味分别系焦糖嘅甜，同埋来自番薯本身嘅甜，唔系坊间𠮶种丧落糖只有死甜嘅甜品。❤️
总括而言，服务上店员都有不停帮我哋嘅水杯加水，上菜嘅时候都有介绍菜名同埋每道菜嘅特别之处，态度友善；味道上每一道菜都系诚意之作，真系超级推荐大家一定要留返个胃食甜品😋。
张贴
