浜燒太郎 (已結業)

和风凯撒沙律($62)，先上头盘开胃菜，西班牙火腿切成薄薄一片，咸香味十足，拌埋蔬菜一齐食岩岩好中和返味道。地狱拉面($98)，虽说系地狱，但辣度类似坊间既中辣，所以其实唔使怕比个名吓退左，对于我唔食得辣黎讲只食食物，汤底饮左四份一系无问题，叉烧好腍，厚肉，仲有4片，流心蛋又正又滑。稻草烤安格斯牛扒($168)，牛扒已贴心咁切开成一块块，内里呈鲜嫩粉红，目测煮至7成熟系最好既黄金比例，牛扒好腍，有几块还连带住牛脂，牛味更浓郁。带子鱿鱼烧($58)，内里馅料除左有带子和鱿鱼之外，仲有好多紫姜，未必人人接受到紫姜既味道，但我就几钟意食。油甘鱼刺身($92)，共6片厚切刺身，颜色鲜艳唔暗淡，新鲜肥美，口感爽口。牡丹虾刺身($58)，筷子相比起虾肉幼身得多，可见虾够大只，而且黏性十足，证明新鲜。