河內越式湯粉

营业中

休息中

女朋友话挂住胡志明市嘅美食，于是我哋今晚喺尖沙咀揾咗间好多人食嘅越南餐厅，外卖返屋企慢慢叹美食😻。.我哋先叫咗一个顺化虾饼捞檬（$64）。虾饼🦐弹牙而且鲜味。捞檬加上生菜丝同埋红萝卜丝，食落饱肚又清新。值得一赞系份量好多，呢个价钱来讲都几抵食。.罗望子冰（$28）系平时比较少见嘅饮品，酸酸甜甜几开胃😋。同埋佢哋落咗好多罗望子，所以就算啲冰融化晒，味道不至于变得太淡。我哋亦叫咗一个越式河内三宝饭（$70）。选择困难嘅人一定要拣呢个几好三宝，包括有鸡翼、猪扒、扎肉。.鸡翼同埋猪扒入味，但唔太咸，而且表面好香脆☺️。猪扒好大块，肉质仲好松软。