南대門3號

营业中

休息中

想食韩国嘢，去咗韩国舖头，餐厅店面唔算好大，但系都坐满食客，而且食物价格相宜，想食韩国嘢嘅时候嚟呢度会系唔错嘅选择。前菜有几款：泡菜、西芹、芽菜炸酱面$85同中式嘅炸酱面唔同，韩式嘅炸酱面用咗春酱，酱里面捞匀咗啲肉粒，酱汁系偏黑色，亦比较浓稠，食落有啲甜味，好易入口。石锅拌饭$92食韩国菜我最钟意系食石锅拌饭。用石锅装住嘅食材食落热辣辣，配埋韩式辣酱、牛肉、各款蔬菜，食落好惹味，仲有脆卜卜嘅饭焦。韩式煎饺子$72饺子大大只，煎得好香脆，但系一啲都唔油腻，咬落有好多肉汁。紫菜包饭$66紫菜包饭好足料有好多蔬菜，里面包住鸡蛋、红萝卜、青瓜、肠等等，食完啲浓味嘅菜式再食呢道菜，感觉好清新。