饕客 (已結業)

成日经过急急脚，终于有机会买嚟试下，好在有入去买招牌猪扒焗饭，酱汁浓郁，茄味出色，炒饭底香口干身，汁料分量捞饭刚刚好，仲有洋葱三色椒等。主角猪扒，猪味不俗不干身，唯独松肉粉认为可以轻手啲，令猪肉有返应有嘅口感。个饭面头仲有焗溶咗嘅芝士，正！黑松露带海鲜意粉，唔用一般高卡路里嘅白汁底，清爽得嚟带淡淡黑松露香，配料分量合适，意粉亦唔会太软林加几蚊就多个汤试试，好多菇，味道还好。哩间小店，价钱已经吸引，味道仲几好，大家可以多多支持！