饕客 (已結業)

舊年幫襯過好多次，第一次試個魚柳包配炸薯角，只係$20好抵。 第二次食已加咗30%價，食物質素ok嘅，所以加咗價都繼續幫襯。最常食嘅2人餐，記憶中係唔使$110。不過舊年聖誕節前關門直到最近開返，尋晚再叫2人餐，誰知又再加30%價，要成$140。見再開返舖就照食，加咗價都期望食物會好咗，最終係失望！食物質素差咗好多，重開後嘅味道份量都冇短休之前咁有水準。尤其是黑松露大蝦柱貝炒意粉，只有2粒蝦仔及4-5粒柱貝，又冇準又食唔到黑松露味，仲要另加錢！套餐有咗蝦多士，改做春卷亦唔吸引，餐湯有料水汪汪咁。總括而言：差！

今日出左油痳地 岩岩出地鐵行左幾步就見到呢間野個名幾特別 雖然鋪頭細細間 但個餐牌唔係一般餐廳野 個餐牌既價錢真係不得了 ! 呢個時世 食呢D野邊有咁老實咖 我見只係小小餓但又貪心想試多d野 於是Order左個小食併盤 入面要重點推薦 "蝦多士" 好有內涵 出奇好食 "蜜沙雞翼" 蜜糖雞翼周街都有 呢到加入蛋黃碎 口感真係好上忍 幾本上係被我秒左 真係好食到離晒罩 整體都係中上產品 價錢平 下次留肚食多幾款先得

雖然舖頭唔大 但食物好味 最重要係 抵 食!白酒鮮蜆意粉— 蜆肉食落無沙，洗得乾淨而且係新鮮意粉軟硬煮到岩岩好 唔淋亦都唔硬。蜜沙雞翼— 第一次聽，見咁特別就一於試試。味道好特別係用蜜糖加有少少咸蛋黃，的確要必點！

成日經過急急腳，終於有機會買嚟試下，好在有入去買招牌豬扒焗飯，醬汁濃郁，茄味出色，炒飯底香口乾身，汁料分量撈飯剛剛好，仲有洋蔥三色椒等。主角豬扒，豬味不俗不乾身，唯獨鬆肉粉認為可以輕手啲，令豬肉有返應有嘅口感。個飯面頭仲有焗溶咗嘅芝士，正！黑松露帶海鮮意粉，唔用一般高卡路里嘅白汁底，清爽得嚟帶淡淡黑松露香，配料分量合適，意粉亦唔會太軟林加幾蚊就多個湯試試，好多菇，味道還好。哩間小店，價錢已經吸引，味道仲幾好，大家可以多多支持！

係公司附近開了一間小店，坐位只能容納5-6個人，睇嚟是專為外賣而設，見門前豎立左一個黑板，價錢平宜菜式吸引，我對薯角及焗飯特別鍾愛，小店又剛好係賣呢類食品，見價錢唔貴所以都唔會有太大寄望。order 左一個黑松露芝士炒蛋牛角包配薯角及一個忌廉湯，都係收$21.00，牛角包烘焙過後好鬆脆，夾著生菜蕃茄炒蛋，食落後有淡淡的黑松露味道，薯角冇落鹽，但係薯角上放左一啲香草，後加上一些蕃茄醬，好Yummy，呢份牛角包正之外，諗唔到連個忌廉湯都唔差，湯夠熱仲有好多蘑菇同埋栗米。另外叫左漁夫焗飯配麥皮魚柳$38.00，估唔到焗飯裡面藏左一隻烚蛋，蛋一開半放係炒底飯上，再舖滿磨菇青椒及芝士焗，麥皮魚柳好脆又一啲都唔油膩，係推介之選。我同事就叫左一份火炙挪威三文魚蛋包飯$32.00，佢都話好正，好抵食。總括嚟講，係好滿意嘅一餐，呢間小店會係我日後嘅飯堂，CP值非常之高。

Make My Day 饕客黑松露忌廉雜菌帶子比得包 $18Pita with Black Truffle Mushroom, Scallop & Wedges挪威煙三文魚鮮茄牛角包配薯角 $18Croissant with Smoked Salmon, Tomato & Wedges蘋果乳酪沙冰 +$8個人比較欣賞pita. Pita 烤熱過, 雜菌炒過幾香 仲有3粒帶子, 帶淡淡blk truffle 香 😊牛角包雖然唔夠香同酥脆, 但都烘熱過, 中間有成片smoked salmon, 蕃茄同生菜.今次試既特飲就麻麻, 太太太甜.野食雖然唔算特別出色, 但都唔錯, 性價比好高, 可以話係窮人恩物. 小食, Pita, croissant set $20都唔駛, 飯/pasta/dessert 都只係$3x~$4x. 所有staff 到廚師都好後生, 睇得出佢地好有heart💗 開左兩個幾月, 當時試過外賣都覺得唔錯. 今日再去, 居然無加過價. 其實, 呢個定價真係會有盈利嗎? 😂希望下次去仲見到佢地Ps 地點近mtr 都好方便, 但只有幾個座位無冷氣, 主要做take away

黑松露炒蛋牛角包配薯角 $18黑松露炒蛋真係好足料成個炒蛋都好香松露味😊亦都好滑牛角包鬆軟得來個面唔會太硬，證明佢哋keep得好成個包除咗炒蛋同埋牛角包之外裏邊仲會夾左生菜同蕃茄，令到成個原本應該好膩嘅組合中和番令到成個包嘅味道更加豐富至於個薯角成個感覺好先炸上面洒咗啲香草 令到個買相好靚，薯角冇落鹽，反而更加食得出佢嘅鮮，點埋茄汁更加好味最緊要係＄18買到如此美食真係抵食蘋果乳酪沙冰今次叫沙冰叫咗小冰，雖然你會覺得好奇怪，但係會變到好足料，飲到最底果時唔會覺得好淡，淨係食到冰。依個沙冰超級足料，你係會真係食到蘋果蓉飲到乳酪味成件事好飽肚根本就可以當一個餐😂，都係＄15咋火炙煙三文魚蛋包飯 $34成個飯好多煙三文魚，個飯本身調味已經好足，蛋包飯裏邊亦都用咗炒底，個飯亦都唔會做得好濕，咪香蛋香煙三文魚香三個味夾埋一齊中間仲有茄汁味去調和，成個飯味道好豐富。依依個價錢來講係又平又抵又好食菠蘿沙冰都係好足料你可以見住佢材料倒入攪拌機然後在由攪拌機倒出嚟俾你除咗略嫌飲到最尾有啲淡之外，都係無可挑剔，但係有＄15建議先試蘋果乳酪沙冰再試菠蘿沙冰。總括成間店位置剩係得五個，冷氣又有啲唔夠，唔係預一

每次出街都會好頭痛唔知食乜好，啱啱行到油麻地，見到一間新開嘅餐廳，見到平平地就入去食，點知有驚喜麥皮魚柳焗飯厚切魚柳再加爆脆嘅外層！無得輸！呢個雞扒彼得包份量十足再加薯角真心價廉物美魚手指炸得啱啱好，係外脆內軟。鮮菠蘿沙冰開胃又冰涼解暑重點係食咁多都唔使100蚊店主係好有熱誠咁做每單order 喺食物同服務就睇得出雖然舖位細細不過做嘢絕對唔會馬虎同過店主傾計原來佢哋係首次創業希望可以保持住呢份熱誠繼續做多啲平靚正嘅食物

數日前我如常去碧街間臺咖啡食我至愛黑松露海蝦帶子意粉, 意外地見到呢間新開既快餐店。好奇一望, 見到餐單上竟然有黑松露海蝦帶子意粉,  仲要勁平, 晚餐黎講, 一客意粉只係$38雖然快餐店座位勁唔舒服, 地方又細, 但我都抱住試試既心態入去堂食。等左大概15分鐘左右, 期間見到佢地真係好多客, 不過絕大部份都係外賣拎走。意粉黎左, 熱騰騰新鮮出爐, 勁香黑松露味, 汁既味道亦岩岩好, 唔會太鹹亦不會太淡, 少少吊汗, 意粉彈牙, 比想象中更好味!!唯一有少少遺憾既係意粉量不太大, 對於晚餐黎講, 又淨係叫單客意粉無任何小食, 唔係太夠飽。但絕對係平價精選! 希望佢地可以KEEP到呢個水平~~