影片
更多
2021-05-17
497 浏览
同几个朋友到常满打边炉兼食下点心。透过openrice订位，每人获送半只乳鸽。朋友未够7点到达，餐厅当时已经几乎坐满晒人。我哋获安排坐近门口、对住收银处嘅枱(坐落之后发觉原来有3边都系通道位，人来人住，每当遇到推车仔送食物/执枱就要起身让路，坐得极唔舒服嘅一餐饭)。赠送嘅乳鸽好够味，仲要系炸起无耐先送嚟，所以热得嚟皮系有脆嘅效果。至于我自己就系冲住啲点心而嚟，所以叫咗几样试下。咸水角同萝卜丝酥饼似系即叫即做，好味道过好多酒楼、姜葱牛柏叶好够热，调味亦足、虾饺好大只，入个全部系大虾，好满足；我觉得比较差嘅点心系小笼包，块皮好厚好干，猪肉馅唔多够味，而且又无畀醋。火锅料都唔差，虽然只收每位$168+10%，肥牛都唔似系街市卖最平个只而系贵一个价钱𠮶种。滑牛都唔错，真系几滑口。手打丸(墨鱼丸同鲮鱼丸)好爽好有咬口，味道亦好。脆肉鲩鱼好脆，兼且一啲腥味都无。牛柏叶、水鱿、花胶(棉花鸡𠮶种)、猪红、杂丸、各式蔬菜之类就喺自助区攞。仲有其他食品喺自助熟食区供应(可能天天不同)，我去𠮶日就有鲜虾肠粉、猪皮鱼蛋、碗仔翅、片皮鸭、糖水等等。不过我哋几个都无食，唔知咩质素。饮品都有十几款，仲有啤酒都系任饮
透过openrice订位，每人获送半只乳鸽。朋友未够7点到达，餐厅当时已经几乎坐满晒人。我哋获安排坐近门口、对住收银处嘅枱(坐落之后发觉原来有3边都系通道位，人来人住，每当遇到推车仔送食物/执枱就要起身让路，坐得极唔舒服嘅一餐饭)。
赠送嘅乳鸽好够味，仲要系炸起无耐先送嚟，所以热得嚟皮系有脆嘅效果。至于我自己就系冲住啲点心而嚟，所以叫咗几样试下。咸水角同萝卜丝酥饼似系即叫即做，好味道过好多酒楼、姜葱牛柏叶好够热，调味亦足、虾饺好大只，入个全部系大虾，好满足；我觉得比较差嘅点心系小笼包，块皮好厚好干，猪肉馅唔多够味，而且又无畀醋。
火锅料都唔差，虽然只收每位$168+10%，肥牛都唔似系街市卖最平个只而系贵一个价钱𠮶种。滑牛都唔错，真系几滑口。手打丸(墨鱼丸同鲮鱼丸)好爽好有咬口，味道亦好。脆肉鲩鱼好脆，兼且一啲腥味都无。牛柏叶、水鱿、花胶(棉花鸡𠮶种)、猪红、杂丸、各式蔬菜之类就喺自助区攞。
仲有其他食品喺自助熟食区供应(可能天天不同)，我去𠮶日就有鲜虾肠粉、猪皮鱼蛋、碗仔翅、片皮鸭、糖水等等。不过我哋几个都无食，唔知咩质素。
饮品都有十几款，仲有啤酒都系任饮。美中不足系因为我哋想尽快食完离开现场，唔记得食港产Coco Berry杯装雪糕。
如果唔系咁啱附近坐咗4批男/女真汉子(每批8-12人，用胶板隔开)，令到我哋长期处于高噪音环境，嘈到倾唔倒计兼且头都晕，我相信我同朋友会更享受是次晚餐。
张贴
