六両三 (鉅利大廈) (已結業)

半筋半肉面红烧汤底有淡淡药材味，叫咗浓啲啱哂重口味人士。追加溏心蛋仲正，只蛋比拉面店都唔会输，入味而且咬开蛋黄仲半生熟，必加！牛筋煲到好软，够哂胶质，牛肉见到系有肥膏位，一啲都唔柴。牛肋条面麻辣汤底加咗$5，味道比红烧再香啲，小小麻，小小辣。牛肋条牛味系三款最浓同吸汁。卤甜不辣配上酸酸甜甜嘅汁，食落够哂开胃百页豆腐表面系深啡色，卤水味劲浓，甜甜咸咸好推麻辣鸭血豆腐比较辣，感觉比麻辣汤仲辣。另，有加上芫荽，介意人士要注意‼️台湾香肠外皮脆薄，配上蒜片正！黑糖珍珠奶茶，红豆珍珠奶茶配料好足，珍珠弹牙，唔算甜，较推珍珠！荔液满白峰桂满躺雪山两者嘅分别系个汁，前者系配上荔枝汁，酸酸甜甜，加埋荔枝爆珠，整体比较凉爽。后者系桂花蜜配红豆，比较甜，蚂蚁人专属。