籽泰 (已結業)

今放工喺荔枝角附近，約同事嚟咗呢一間位於碧海藍天新開泰國餐廳，餐廳裝修企理，食完仲可以行吓Aeon超市😂原本總店喺九龍城搬過嚟，九龍城最出名就係泰國嘢，所以就揀咗呢間。首先我哋嗌咗個青木瓜鹹蛋碎沙律，醬汁教得啱啱好，食完好開胃。我哋嗌咗豬肉碎生菜包，配辣椒豬皮，豬皮新鮮炸出嚟，唔係到到都食到，D生菜好新鮮包住豬肉碎，有少少辣，爽口肉汁多。另外豬皮好好味，好脆加D由蕃茄秘製而成的辣醬汁，口感一流。正食方面，個青咖喱羊腩炆得好好，配埋青咖喱，一啲都唔蘇，而家涼兩地食羊腩最正。同埋嗌咗泰北咖喱牛腩黃金麵，麵上面鋪上炸脆的黃金麵，好有層次感。