古今二 (荃灣千色匯I)

营业中

休息中

喺荃湾楼上做完按摩，落到嚟楼下，见到呢间日式餐厅，环境干净企理，于是入咗。同朋友嗌咗五样嘢，上菜上得好快，唔会要等好耐等到肚饿都未有菜。 重点系全部都系好热辣辣。我哋食咗芝麻鸡翼，炸得好热同好脆，一咬开，鸡翼入面好多肉汁，好Juicy. 调味做得好好，唔会过咸。 跟住我哋嗌咗个蟹籽沙律，估唔到个份量咁多，啲蟹柳同蟹籽就嚟多到要泻。个沙律酱汁有少少辣味，几得意。之后就到金龙卷，同埋烟花卷。 份量都好多，特别要提一提，烟花卷有啲脆脆，令到个口感好有层次，隔在加埋蟹籽。 个金龙卷都好好食系三文鱼连埋芝士炸虾卷。 最后一个真系最惊喜，系樱花虾烧茄子，樱花虾嘅味道，取替咗平时用开嘅蒜蓉，食完个口唔会臭，但系又做到好香嘅感觉。 烧得啱啱好，茄子仲系好多汁。呢餐食得好满足，冇谂过喺附近按摩发掘到一间咁好食嘅餐厅。