手卷屋 (已搬遷) 新店位置

经过蓝田，听住个边朋友话汇景商场好多小食店，所以就入去行下食下野，走到商场比较入嘅位置见到呢间铺好多人排队，望个餐牌见到十几二十蚊就有件手卷，而且种类选择又多，所以就买件三文鱼手卷试下。每种手卷都有普通size同重量级size。三文鱼手卷普通系$14，重量级系$18。买左个重量级嘅，佢会帮你落埋豉油同Wasabi。三文鱼好足料，起码每件都几厚，新鲜度唔错，味道亦几好。豉油份量亦都落得刚刚好，唔会太咸。至于饭酸度同黏度都好好，粒粒分明，唔会软度一pat pat咁样！咁平嘅价钱有咁嘅质素真系极抵！下次来会试其他款手卷！