影片
更多
2019-06-23
3117 浏览
家人请我去旅行，我当然要请返屋企人食餐饭。经过北角电气道见到一间新开嘅中菜厅，新张优惠乳鸽只系$2x一只，非常吸引。家人都话几抵，决定试试佢。一坐低就有花生过吓口瘾。有别一般餐厅花生，太元楼既花生浸系酱油到，几特别。从餐单可以睇得出餐厅嘅食物包罗万有，净系冷盘都超过20款。既然有新张优惠，我哋当然唔执输，叫咗两只乳鸽。乳鸽皮脆，肉亦算嫩，唔油腻。$2x嚟讲真系超值。水晶肴肉系镇光著名头盘，要花既功夫应该非常多，卖相如水晶般够晒吸引，味道还好，伴以姜丝别有一番风味。我屋企人有时会食素食，所以特意叫左脆皮素鹅，腐皮炸到几脆，但完全唔觉得腻，非常健康。太元招牌海鲜炒饭炒到非常干身，粒粒分明，而且好足料，入面有蟹籽、虾、蛋等等。小笼包$38有4只十分便宜，而且皮薄多汁，小弟高度推荐大家。太元楼既奶油津白比其他餐厅更加creamy，每一啖都非常多汁，简直想饮埋剩低既奶油汁。另外分量大，$68嘅价钱亦算公道。红烧狮子头送饭真系一流，可惜已经叫咗炒饭。肉丸煮得非常软稔，有少少入口即化既囗感，旁边嘅大白菜亦鲜甜。砂锅云吞鸡只系叫咗1/4只，但已经好大份。鸡件嫩滑，菜够晒爽口，云吞大大粒，汤底亦非常鲜甜
一坐低就有花生过吓口瘾。有别一般餐厅花生，太元楼既花生浸系酱油到，几特别。
从餐单可以睇得出餐厅嘅食物包罗万有，净系冷盘都超过20款。
既然有新张优惠，我哋当然唔执输，叫咗两只乳鸽。乳鸽皮脆，肉亦算嫩，唔油腻。$2x嚟讲真系超值。
水晶肴肉系镇光著名头盘，要花既功夫应该非常多，卖相如水晶般够晒吸引，味道还好，伴以姜丝别有一番风味。
我屋企人有时会食素食，所以特意叫左脆皮素鹅，腐皮炸到几脆，但完全唔觉得腻，非常健康。
太元招牌海鲜炒饭炒到非常干身，粒粒分明，而且好足料，入面有蟹籽、虾、蛋等等。
小笼包$38有4只十分便宜，而且皮薄多汁，小弟高度推荐大家。
太元楼既奶油津白比其他餐厅更加creamy，每一啖都非常多汁，简直想饮埋剩低既奶油汁。另外分量大，$68嘅价钱亦算公道。
红烧狮子头送饭真系一流，可惜已经叫咗炒饭。肉丸煮得非常软稔，有少少入口即化既囗感，旁边嘅大白菜亦鲜甜。
砂锅云吞鸡只系叫咗1/4只，但已经好大份。鸡件嫩滑，菜够晒爽口，云吞大大粒，汤底亦非常鲜甜，够晒滋润。
大家叫左咁多食物，每人都系$200头左右，食物又够大份，味道有一定水准，认真出色，阿爸阿妈都话正！，
张贴
