嘆甜品

营业中

休息中

想试好耐，同朋友点到成枱嘢食，价钱都唔贵，份量亦唔少，性价比好高。🧇宇治抹茶拼乌龙茶麻糬窝夫 (屯门店限定) $70窝夫外层香脆，内层有阵阵茶香，同埋带些烟韧嘅麻糬，口感对比吸引。🍵抹茶带甘香，乌龙茶味道就唔太突出，整体甜而不腻。加上红豆、雪糕、忌廉，十分足料，性价比几高！😋2pm-7pm会有下午茶餐，甜品加饮品。🍫心太软配雪糕 $48☕️拿铁咖啡 +$5心太软非常出色，外脆内软，温度控制得刚刚好，见到内馅有满满朱古力流心🤎，真系十分疗愈😍朱古力浓郁香甜，雪糕绵厚，几重牛奶味，整体整得好到位，令人满足👍🏻本身系甜品店点咖啡☕️就无咩期望，起码感受到店员有努力🙈建议点返茶或者其他特饮。🍢小食拼盘 (炸烧卖、盐酥鸡粒、鸡软骨、薯条) $56每一款小食都炸得香酥，好好食🤭！盐酥鸡粒外脆内嫩，鸡软骨咸香可口，炸烧卖弹牙带些咬口。份量唔少，好啱同朋友分享。🍠脆Q地瓜球 $28外脆内Q软，地瓜内馅甜甜地，有点烟韧咬口，相对味道较清淡。🍹叹•综合水果茶 $36充满各种水果香气，茶底清香，带阵阵水果酸甜，配甜品几解腻清新。