北海道食堂 (已結業)

黎到呢间北海道食堂， 一听就知系日式放题啦， 但特别嘅系呢度全部嘢都即叫即煮， 就唔会好似出面放题咁， 上到枱啲嘢都冻晒啦。 呢度仲有铁板同串烧， 食物种类多元化， 都算系一间唔错嘅日式放题。今次叫咗极盛放题呢个餐， 一呢就畀咗个虎虾铁板烧， 虎虾够晒大只， 而且中间开咗刀， 卷埋咁上枱好有气派， 调味够晒惹味。到刺身方面， 除咗一般嘅三文鱼，甜虾，油甘鱼之外， 佢最特别嘅系有白肉豚同埋剑鱼， 呢两款鱼食落好特别， 味道够晒入口即溶。 刺身上到枱， 排列得好好， 见到师傅都有心机去摆碟， 刺身色泽都唔错， 够晒新鲜。串烧方面， 种类都几多， 上到枱，好有居酒屋嘅感觉， 串烧都系即叫即烧， 上堂仲系热辣辣， 够晒惹味。天妇罗方面， 炸粉份量啱啱好， 都系即叫即炸， 所以上枱食落仲系好香脆， 种类都唔少， 虽然等得耐啲， 但系质素有保证。