忠記咖啡屋‧私房菜 (已結業)

每年做节都系一个难题，食物要有新意，环境又要有创意。食惯左酒楼的菜单，今年我就带咗屋企人去试一下私房菜。私房菜的特色就系可以为客人度身订造菜单，唔会食到闷。今次去咗铜锣湾新开的忠记咖啡屋。环境唔算好华丽，但都几企理，店员已经一早为我地准备好一个近角落的座位。店内亦开始有唔少节日的装饰，添左唔少气氛！五个人，点左五个菜。第一道菜已经吸引到我哋的眼球，经过店员介绍后，就变得更加有趣。八款不同质感同味道的材料放埋一齐，系一种好新鲜的感觉。佢哋仲特意安排左两款唔同口味的酱汁，我就钟意沟左Wasabi的芝麻酱，够晒开胃又刺激。茄汁爆原只大虎虾非常有看头，铁板送上枱热辣辣，香气迫人。虎虾大大只好厚肉，质感结实得来亦有虾的鲜味。呢个咕噜肉系我食过最好食的咕噜肉！首先质感很好，无过多的炸粉，而且表面仲有少少脆脆地。味道甜中带少少酸，好欣赏佢哋加入左少少酸姜，为味道增加左一个层次。呢个睇落似系鸳鸯炒饭，其实系菜底，两个汁都好好味。压轴的是菜胆鸡，鸡肉十分有鲜味，唔会有雪藏的味道。而且质感都几滑溜，肥瘦适中，妈咪赞不绝口。最后甜品亦甚有惊喜，系姜汁汤圆，正好配合节日同天气。而装汤圆的，亦系怀旧的咖啡杯，切