金御海鮮酒家 (胡社生行) (已結業)

一大班朋友聚會，閒閒哋都要幾百蚊一位食飯，唔係個個都 afford 到。 今次食呢一間酒樓，喺旺角地鐵站出口旁邊， 地理位置方便，飲多兩杯都唔怕！講番啲食物，如果一圍檯食飯，佢哋嘅套餐非常抵食，二千蚊左右，即係每人都係200有找！ 嗰隻王子豬係必食推介， 雖然唔係即燒，但個皮依然係脆嘅，肉亦都暖暖哋， 連埋下層嘅糯米炒飯食一流！套餐仲包一條魚同炸子雞，炸子雞皮脆肉嫩， 味道唔錯！除咗套餐上面嘅食物我的另外叫咗脆皮豆腐，個皮的確係脆皮， 絕對唔會上枱就淋咗， 熱辣辣上枱的確好味！坦白講，二千蚊一圍算係咁上下！收貨！